Aur per las passlunghistas svizras als campiunadis mundials dals juniors. La squadra enturn las duas grischunas Nadja Kälin ed Anja Lozza ha gudagnà sensaziunalmain la staffetta da 4 x 3,3 kilometers ad Oberwiesenthal - quai avant ils Stadis unids e la Svezia.
La davosa giada ch'ina staffetta svizra ha gudagnà ina medaglia da campiunadis mundials dals juniors è stà avant 30 onns a Les Saisies en Frantscha nua ch'i aveva dà bronz. Per Siri Wigger èsi suenter bronz en il sprint ed en la cursa da skating gia la terza medaglia. En total ha la delegaziun svizra gudagnà avant l'ultim di 4 medaglias.
RTR novitads 14:00