Siglir tar il cuntegn

Header

Il currider da Trin Serafin wiestner en acziun.
Legenda: Serafin Wiestner da Trin na cuntanscha per pauc betg ina plazza da top-ten. Keystone
cuntegn

Naziunal/Internaziunal Campiunadis mundials da biatlon: Serafin Wiestner vegn 11avel

Al campiunadi mundial da biatlon en Norvegia è l’atlet da Trin Serafin Wiestner vegnì 11avel en il sprint sur 10 kilometers. Quai suenter che Wiestner era anc a la testa suenter l’emprima runda.

Pervi d’in sbagl da sajettar sin pais è Wiestner crudà enavos. Ma tuttina ha il currider da Trin mussà ina buna prestaziun è vegn la finala 11avel. L’ulteriur Svizzer Benjamin Weger n’ha betg mussa ina buna cursa e vegn 52avel.

Nov campiun mundial daventa il franzos Martin Fourcade. El era ina classa per sasez. Argient va en la Norvegia tar la legenda da biatlon Ole Einar Björndalen e bronz gudogna l'ucranais Sergej Semenow.

Selina Gasparin manchent ils top 60

Per la biatleta engiadinaisa Selina Gasparin è l'emprima cursa al campiunadi mundial da biatlon en Norvegia ina ina trumpada.

Cunquai ch'ella ha sco 67avla manchentà in classament tranter ils top 60 en il sprint na po ella betg ir a la partenza a la cursa da persecuziun damaun dumengia. Gia tar l'emprim post da sajettar ha Gasparin tutgà duas giadas dasperas.

Megliera svizra è Lena Häcki sco 21avla. Irene Cadurisch è vegnida 46avla.

RR novitads 14:00+

si/ma