Naziunal/Internaziunal - Canadais surpiglian ils Kloten Flyers
L'acziunari principal Philippe Gaydoul ha vendì sia participaziun vid la societad EHC Kloten Sport SA a la societad canadaisa Avenir Sports Entertaniment LLC. Gaydoul resta però commember dal cussegl d'administraziun.
Tar la societad canadaisa LLC tutga tranter auter il team ord la Western Hockey League, ils Portland Winterhawks. Quest club ha tranter auter engaschà ils hockeyans Nino Niederreiter, Lukas Sbisa e Patrik Bärtschi.
Cun Kloten vulan ils Canadais tranter auter promover ils juniors e puspè manar ils Kloten Flyers al success.
