Siglir tar il cuntegn
Il ciclist Fabian Cancellara en acziun.
Legenda: Buna partenza, ma betg buna avunda per il maillot jeaune. Fabian Cancellara terminescha il prolog dal Tour de France 2015 sin plazza 3. Reuters

Naziunal/Internaziunal Cancellara manchenta il maillot jeaune

L'Australian Rohan Dennis ha gudagnà il prolog da la 102avla ediziun dal Tour de France ad Utrecht en Ollanda, quai cun 5 secundas avantatg sin il Tudestg Tony Martin e 6 secundas sin il Svizzer Fabian Cancellara.

Ils favurits per il classament general, Vincenzo Nibali, Alberto Contador, Chris Froome e Nairo Quintana han pers tranter 40 e 60 secundas.

Tests da doping durant la notg

Avant il 102avel Tour de France han ins fatg per l'emprima giada controllas da doping durant la notg. Quai ha il president da la federaziun da ciclissem mundiala UCI, Brian Cookson, confermà.

La cumissiun anti-doping haja visità ciclists selecziunads durant la notg. Quants ciclists e tgenins n'ha l'UCI betg communitgà.

Enfin ussa valeva la regla ch'ins na dastgia betg testar ils ciclists tranter las 11 la saira e las 6 la damaun.

RR novitads 18.00

Artitgels legids il pli savens