Naziunal/Internaziunal - Cancellara sto terminar il Tour de France
La terz'etappa è stada l'ultima per Cancellara. 55 km avant l'arrivada hai dà ina crudada da massa da passa 20 ciclists. Fabian Cancellara è vegnì giu da via e cupitgà. Latiers è el sa blessà al dies ed a la spatla. En l'ospital è sa mussà ch'el ha rut dus spinals.
I saja per el ina immensa trumpada ha ditg Cancellara. Sia equipa saja stada en ina buna situaziun cun il Maillot jaune e saja stada motivada da defender quel.
Gia la primavaira aveva Cancellara gì suenter ina crudada pitschnas ruttadiras vi dals spinals. Sinaquai aveva el stuì pussar 9 emnas avant che puspè pudair ir a la partenza da cursas.
