Siglir tar il cuntegn

Naziunal/Internaziunal Carlo Janka turna a chasa

Suenter il segund trenament per la cursa dal Lauberhorn ha el decidì: Carlo Janka na parta betg a las cursas dal Lauberhorn da questa fin d’emna.

Carlo Janka.
Legenda: Carlo Janka na sa senta betg en furma per partir a Wengen. Keystone

Malgrà che sia blessura dal schanugl è sin buna via, na sa senta Janka anc betg fit avunda per partir la fin d'emna a Wengen. Il skiunz da Sursaissa turna uschia anc la gievgia a chasa.

Las proximas emnas vegn Janka a trenar intensivamain per pudair far part a la cuppa mundiala da skis. Sia gronda finamira restan dentant ils gieus olimpics il favrer en la Corea dal Sid. Ils davos dus dis ha Carlo Janka absolvì dus trenaments per la cursa rapida dal Lauberhorn. En quests trenaments ha Janka pers mintgamai bun trais secundas sin ils pli sperts.

RR novitads 17:00