Naziunal/Internaziunal - Carlo Janka vegn terz – Peter Fill va per la culla
Carlo Janka daventa terz en la ultima cursa rapida da la stagiun ad Aspen en ils Stadis Unids. Sin il victur il talian Dominic Paris perda il skiunz da Sursaissa be 18 tschientavels. Segund è vegnì il Talian Peter Fill.
Grazia a quest segund plaz ha Fill gudagnà il classament da la cursa rapida da questa stagiun ed uschia sia segunda culla da cristal en roda. Ses davos concurrent il Norvegiais Kjetil Jansrud ha stuì sa cuntentar cun l’11avel plaz. Ils ulteriurs svizzers, Beat Feuz è vegni 13avel e Patrick Küng 15avel. Il segund Grischun Mauro Caviezel è crudà ora.
