L'associaziun internaziunala d'atletica vul introducir ina limita da l'ormon testosteron. Quella duess reglar la valurs da testosteron da las curriduras sin distanzas fin ina maila (1,6 kilometers). Dunnas cun valurs memia autas ston sbassar quellas cun medicaments. Quella limita duess garantir ina concurrenza gista e faira.
Per Caster Semenya, ch'ha da natira or ina aut nivel da testosteron, è quai discriminaziun. Ella ha purtà recurs tar il Tribunal internaziunal da sport a Losanna. Quel ha oz dentant refusà quel. Sche l'atleta da l'Africa dal Sid vul sa participar vinavant a concurrenzas, sto reducir sias valurs da l'ormon testosteron.
RR novitads 14:00