Jérôme Champagne fiss uschia il quart candidat uffizial per la successiun da Joseph Blatter. Enfin ussa han il prinzi da la Jordania, Ali bin al-Hussein, David Nakhid da Trinidad e Tobago sco er Michel Platini annunzià ina candidatura. Il president da l’UEFA, Michel Platini, è dentant vegnì suspendì provisoricamain.
Il termin d’annunzia per il presidi da la FIFA va a fin ils 26 d’october. L’elecziun è planisada ils 26 da fevrer 2016.
Jérôme Champagne ha gia gì divers jobs tar la FIFA. Il davos è el stà vice-secretari general. Il 2010 aveva el dentant stuì bandunar la Federaziun mundiala da ballape, sco quai ch’i vegn supponì sut squitsch da Michel Platini.
RR novitads 12.00