Lugano ha cuntanschì ordaifer in pari da 3:3 cunter il HC Pilsen da la Tschechia, suenter ch'els avevan gudagnà il gieu da chasa cun 4:1. Ils ZSC Lions avevan gudagnà ordaifer cunter Wolfsburg cun 4:1 ed il gieu da chasa cun 5:2.
Tavau: Victoria ordaifer n’ha purtà nagut
La victoria da 3:2 ordaifer cunter Linköping n'ha betg tanschì per il HCD da vegnir ina runda vinavant, quai suenter ch'ins aveva pers a chasa cunter ils Svedais cun 4:7. Fin la 50avla minuta pareva la sensaziun dad esser pussaivla; ils da Tavau manavan lura anc cun 3:0.
Berna e Friburg vinavant
Dumagnà en l'otgavel final han persuenter Berna cunter Salzburg (4:1 / 3:3) e Friburg Gotteron cunter Kosice (1:1 / 4:1).
Pers a chasa cun 1:2 ha Zug cunter Eisbären Berlin ed è crudà ora, quai suenter che gia l’emprima partida era ida a fin cun ina terrada da 0:4.
RR novitads 22.00