Siglir tar il cuntegn

Header

L'equipa dal HCD durant ina partida da la CHL.
Legenda: Il HCD ha gia giugà quest onn en la CHL, qua ils 19.08.2016 cunter l'equipa franzosa da Rouen. Keystone
cuntegn

Naziunal/Internaziunal Champions Hockey League: Sin il HCD spetga in ferm adversari

Cun in record da sis teams cumenzan ils clubs svizzers da la NLA la fasa decisiva da la Champions Hockey League. Sin Tavau spetga in adversari ord la Svezia cun Linköping. Sin ils Lions da Turitg e sin l’EV Zug spetgan adversaris ord la Germania.

Il club da hockey da Tavau survegn ina dira nusch en l'emprima runda da K.o. en la Champions Hockey League. Il HCD frunta sin il club svedais Linköping. L’equipa svedaisa è daventada duas giadas vicecampiun en la pli ferma liga en Svezia.

Per las ulteriuras tschintg equipas svizras datti medemamain ferms adversaris. L’SC Berna frunta sin l’equipa da Salzburg il actual campiun en la liga da l’Austria. Ils ZSC Lions fruntan sin ina equipa da la Germania sin Wolfsburg. L’equipa tudestga ha cuntanschì quest onn il final dals playoffs en la DEL ed è uschia sa qualifitgada per la Champions Hockey League.

L’EV Zug frunta sin Berlin

Per il club da Zug spetga il campiun da record da la DEL ils Eisbären Berlin. L’equipa da la chapitala tudestga ha cuntanschì la stagiun passada il segund plaz en la qualificaziun ed il quartfinal dal playoff. E la finala gioga il HC Lugano cunter l’equipa tscheca da Pilsen. Ella è la stagiun passada sa qualifitgada per il mezfinal dals playoffs.

E sin Fribourg Gotteron spetga il club da la Slovachia Kosice. L’equipa da Kosice è vegnida campiun slovac l’ultima giada il 2015.

RR novitads 14:00

SRF/li/ma