Champions League: Real na vegn betg sur in pari ora

Real Madrid na vegn betg sur in pari da 3:3 cunter Legia Warschau. Perencunter gudogna Borussia Dortmund cunter Sporting Lissabon cun 1:0.

In giugader da Real Madrid par terra. Bild in Lightbox öffnen.

Legenda da maletgs: Anc n'è betg tut a fin per Real Madrid. Ma la qualificaziun anticepada per l'otgavel final n'è anc betg sut tetg. Keystone

En gruppa F dat quai ina victoria da l’equipa da Borussia Dortmund cunter Sporting Lissabon dad 1:0. Uschia na po Il BVB en ils ultims dus gieus da las emprimas duas plazzas da la tabella. Perencunter manchenta en la medema gruppa Real Madrid da gia far cler tut per l’otgavel final. Cunter l’equipa da Legia Warschau vegn Real sulet sin in pari da 3:3. Quai suenter che Real manava cun 2:0.

Leverkusen gudogna en il Wembley

Bayer Leverkusen vegn tar ina victoria ordaifer cunter Tottenham cun 1:0. Uschia è Leverkusen da nov sin plazza dus da la tabella en gruppa E. Suveran gudogna era il capo gruppa. L’AS Monaco batta a chasa ZSKA Moscau cun 3:0. Tut las equipas han anc schanzas sin l’otgavel final.

Juve gioga pari

Juventus Torino ha en la gruppa H betg vegni da defender la plazza in en la tabella. Ils talians giogan a chasa cunter Lyon cun 1:1. L’FC Sevilla perencunter n’ha nagina fadia e hatta Dinomo Zagreb cun 4:0. A Sevilla manca in punct per la qualificaziun anticipada.

Campiun englais Leicester gioga era pari

Leicester ha suenter trais victorias en seria en gruppa G betg gudogna. Cunter l’FC Kopenhagen ordaifer vegn Leicester sulet sin in pari da 0:0. Porto perencunter gudogna a chasa cunter Brügge cun 1:0.

RR novitads 23:00