Siglir tar il cuntegn
cuntegn

Naziunal/Internaziunal Champions League senza FCB

Il FC Basilea perda omaduas partidas cunter PAOK Saloniki e manchenta uschia cleramain la qualificaziun per la Champions League.

Plirs ballapedists.
Legenda: Nagina Champions League per il FCB 2018/19. Keystone

Il club da ballape da Basilea sto sutterrar il siemi da la Champions League.
Ils Basilais han numnadamain er pers il gieu da return da la segunda runda da qualificaziun. Quai a chasa cunter ils Grecs da PAOK Saloniki cun 0:3.

En l'emprim gieu ordaifer avevan els gia incassà ina terrada da 1:2. A l'FCB resta dentant anc la schanza da sa qualifitgar per l'Europa League. Là fruntan ils da Basilea en la terza runda da la qualificaziun sin Viitorul Constanta da la Rumenia u Vitesse Arnheim dals Pajais Bass.

La crisa tar il club da ballape basilais s'intensivescha. Er suenter la quarta partida da la nova stagiun spetga il FCB vinvant sin l'emprima victoria.

RR novitads 23:00