Ditg hai dentant vesì ora mal per Tottenham: Suenter avair pers l'emprim gieu a chasa, eran ils englais era ordaifer cun 0 a 2 en retard. Suenter pausa ha Lucas Moura dentant sajettà dus gols e cunquai puspè laschà sperar ils «Spurs». Il gol decisiv è crudà en la 96avla minuta - medemamain entras il brasilian Lucas Moura.
In final englais
Igl è l'emprima giada insumma ch'il club englais cuntanscha il final da la Champions League. En il final vegni al duel englais cunter Liverpool, che ha battì mardi saira Barcelona. Il final ha lieu l'emprim da zercladur a Madrid.
RR novitad 23.00