Chattà la storta - Lara Gut gudagna il super-G a Val d’Isère

Suenter esser crudada or da las cursas in venderdi e sonda triumfescha Lara Gut in dumengia en il super G da las dunnas a Val d’Isère.

Gut durant la cursa. Bild in Lightbox öffnen.

Legenda da maletgs: Lara Gut en viadi sin il podest dal super-G - la skiunza svizra terminescha la fin d'emna da cursa a Val d'Isère cun in success. Keystone

La skiunza svizra gudogna cun in avantatg da 13 tschientavels sin Tina Weirather dal Liechtenstein. La Taliana Elena Curtoni cumplettescha il podest.

Er las autras skiunzas svizras han fatg buns resultads: Segund meglra Svizra è Joana Hählen sin l’otgavel plaz. Ella realisescha uschia ses meglier resultat en la cuppa mundiala. Insumma ils emprims puncts da la Coppa mundiala haja dat per la Grischuna Jasmine Flury, che va sin plaz 11. Puncts ha quai era dà per Corinne Suter. Ella è daventada 15avla.

RR novitads 12:00