Siglir tar il cuntegn

Header

cuntegn

Naziunal/Internaziunal Chavaltgar: Steve Guerdat gudogna danovamain

Suenter sia victoria da l'onn passà ha Gerdat er gudagnà quest onn il final da la cuppa mundiala.

Guerdat ha triumfà cun ina prestaziun perfetga. Ils emprims dus percurs aveva el dumagnà senza far dar giu pitgas, ed er il terz ed ultim percurs da la concurrenza a Göteburg ha il campiun olimpic dumagnà senza sbagls. Segund è vegni il Tudestg Daniel Deusser e terz l'Ollandais Harrie Smolders.

Victoria nunspetgada

Sco quai che Guerdat ha ditg suenter la concurrenza envers SRF n'ha el insumma betg spetgà da gudagnar la cuppa mundiala. El n'haja betg pensà ch'el haja uschè bain sut controlla ses chaval da 10 onns cun il num «Corbinian».

Il segund Svizzer ch'è partì per la concurrenza, Romain Duguet, è vegnì 16avel.

Artitgels legids il pli savens