Siglir tar il cuntegn

Naziunal/Internaziunal Chile gudogna puspè Copa Americana

Danovamain ha il Chile gudagnà la Copa Americana. Il defensur dal titel ha gudagnà il final cunter l'Argentina cun 4:2 suenter sajettar penaltis.

l'entira equipa chilena en furmaziun
Legenda: La squadra dal Chile celebrescha la victoria cunter l'Argentina en il final da la Copa America Centenaria. Keystone

Suenter 120 minutas giugar senza in soli gol ha il Chile gudagnà 4:2 penaltis en la rait tar il campiunadi da ballape da l'America dal Sid. Midà nagut vi dal gieu n'ha era ch'il Chilen Marcelo Diaz ha stuì ir dal plaz tras carta mellen-cotschna en la 28avla minuta. En la 42avla ha lura stuì bandunar il plaz l'argentin Marcos Rojo per dar ina cun il pe anc suenter in foul.

Gia avant 1 onn aveva il Chile battì l'Argentina en sajettar penaltis. Per l'Argentina cuntinuescha uschia la malaverva da finals. Dapi il 1993 spetga l'Argentina sin in titel grond.

Messi ha avunda da la naziunala

Il star da l'Argentina Lionel Messi aveva bain manà la squadra en il final cun 5 gols. Cun sajettar penalti n'ha sia gnerva però betg tanschì. Suenter il gieu ha el annunzia da sa retrair da la squadra naziunala argentina.

Jau hai decidì - mes temp en la squadra naziunala è passà.
Autur: Lionel MessiBallapedist, FC Barcelona

'Copa Americana Centenaria'

Quest onn è in'ediziun speziala da la Copa. Cunquai che l'emprim turnier è stà il 1916 han ins decidì da far ina Copa Americana Centenaria, è quai per l'emprima giada ordaifer l'America dal sid.

RR novitads 06:00