Naziunal/Internaziunal - Chung Mong-Joon vul daventar successur da Blatter
Il Sidcorean Chung Mong-Joon ha annunzià sia candidatura per il presidi da la FIFA. L’um da 63 onns era gia vicepresident da la FIFA enfin il 2011 e vala sco criticher da Sepp Blatter.
El veglia refurmar la FIFA, ha Chung ditg. Enfin uss vala il schef da l’UEFA Michel Platini sco grond favurit per daventar successur da Blatter. Chung ha gia crititgà Platini. El n'haja betg realisà quant grond ch'il problem da corrupziun saja tar la FIFA. Il nov president da la FIFA vegn elegì ils 26 da favrer 2016.
