Il ciclist puschlavin, Matteo Badilatti, daventa collega da squadra da Stefan Küng. Il Grischun da 28 onns parta la proxima stagiun per la squadra franzosa Groupama-FDJ. Actualmain va el anc en las pedalas per «Israel Start-Up Nation».
Matteo Badilatti inscuntra en la squadra franzosa dasper Stefan Küng era ils Svizzers Sébastien Reichenbach e Fabian Lienhard. La sort da l'ulteriur Svizzer tar Groupama-FDJ, Kilian Frankiny, è entant anc averta, damai che ses contract va a fin.
