Siglir tar il cuntegn

Header

In ciclist.
Legenda: Il ciclist da la Belgia Antoine Demoitié è sa disgrazià durant ina cursa da velo. SRF
cuntegn

Naziunal/Internaziunal Ciclist Demoitié mora suenter accident

Durant ina cursa en la Belgia è il profi da 25 onns cupitgà e sa disgrazià. Quai ha confermà la polizia.

Il ciclist beltg Antoine Demoitié è mort suenter ses grev accident en la cursa da Gent a Wevelgem. Tranter auter haja el gì grevas blessuras dal chau. Quai ha communitgà la polizia.

La procura publica ha instradà in'inquisiziun per sclerir ils detagls da l'accident. Demoitié è cupitgà durant la cursa cun quatter ulteriurs ciclists e silsuenter collidà cun ina moto.

Per l'entschatta da questa stagiun ha el midà tar il team Wanty Gobert. Ses pli grond success sco profi è stà il gudogn dal Tour du Finistere 2014. Antoine Demoitié ha gì 25 onns.

RR novitads 06:00

afp/sda/um