Siglir tar il cuntegn

Header

cuntegn

Naziunal/Internaziunal Clera terrada: Svizra perda cunter Russia

La naziunala svizra perda ina zunt intensiva partida cunter la Russia cun 1:5. Il squitsch avant ils dus ultims gieus da gruppa è grond. Questa saira spetga la Svezia - ina schanza dapli per la Svizra da tuttina cuntanscher il quartfinal.

La squadra da Patrick Fischer perda il tschintgavel gieu da gruppa cunter l'ospitant Russia cun 1:5.

audio
Sportissimo: Hockey - la Svizra e la schanza per il quartfinal
ord Sportissimo dals 15.05.2016.
laschar ir. Durada: 2 minutas 8 Secundas.

La partida è a fin e sco spetgà ha il favurit ha gudagnà. Il resultat da 1:5 ord vista svizra è fitg clers. Ils Russ èn bain stads la meglra squadra, ma il team da Fischer ha pudì tegnair pitg en blers muments. Cunzunt en il boxplay parevan ils Svizzer sco remplazzads - els n’han laschà nagin gol al vice-campiun mundial.

Quartfinal anc cuntanschibel per Svizra

La Svizra ha anc adina ina schanza da sa qualifitgar per il quartfinal dal campiunadi mundial da hockey a Moscau – malgrà ch’ella ha pers 1:5 cunter la Russia.

1:5, quai tuna suenter ina schlaffada. Ma durant dus terzs ha la Svizra fatg frunt a la Russia, er grazia a ses ferm goli Reto Berra. Pir durant l’ultim terz han ils Russ lura procurà per ina clera victoria.

audio
Sportissimo: Terrada svizra cunter Russia
ord Sportissimo dals 14.05.2016.
laschar ir. Durada: 2 minutas 30 Secundas.

Oz a las 19:00 gioga la Svizra cunter la Svezia. En ils ultims dus gieus - dumengia cunter Svezia e mardi cunter la Tschechia - stuess la Svizra gudagnar almain dus puncts per pudair entrar en il quartfinal. La sonda ha la Svezia battì la Norvegia cun 3:2, ma cun blera fadia. Cun questa victoria en ils Svedais tant sco sa qualifitgads per il quartfinal.

Definitiv en il quartfinal èn da la gruppa A la Tschechia e la Russia, da la gruppa B il Canada e la Finlanda.

RR novitads 18:00 / RR Sportissimo 12:00 / 17:00

Artitgels legids il pli savens