La finiziun abrupta da la stagiun da hockey pervia dal coronavirus ha era consequenzas finanzialas per il club da hockey da Tavau. Durant ils playoffs fissi stà pussaivel d'incassasar 600 fin 700'000 francs grazia al ticketing. Ch'i na dettia uss nagins playoffs bittia dentant betg ord via il club.
Tenor il CEO da Tavau, Marc Gianola, hajan ins lavurà fitg bain durant l'entir onn. La bilantscha dal davos quartal saja stada positiva - ins perdia dentant entras la decisiun d'annullar la stagiun daners per ils proxims onns. Marc Gianola è plinavant da l'avis ch'annullar la stagiun da hockey saja stà la suletta decisiun logica en la situaziun actuala.
