Naziunal/Internaziunal - Clubs svizzers persvadan en l’Europa League
En l’Europa League han ils clubs da ballape svizzers persvadì la gievgia saira. Sion gioga pari cunter Liverpool 1:1 e Basilea batta Lech Poznan cun 2:0.
Il FC Sion resta senza terrada en l’Europa League. Cunter il FC Liverpool gioga Sion ordaifer in pari dad 1:1. Anc meglier èsi ì al campiun svizzer. A chasa batta il FC Basilea l’equipa polacca da Lech Poznan cun 2:0. Uschia restan omadus clubs svizzers senza terrada a la testa da lur gruppas.
