Siglir tar il cuntegn

Header

audio
Serafin Wiestner ed il sajettar sin pes n'è il mument nagina amur
Or da Sportissimo dals 23.02.2020.
laschar ir. Durada: 02:17 minutas.
cuntegn

CM biatlon Antholz Betg ina cursa è ida sco giavischà

Trais giadas enturn ils 50 ed be in 15avel plaz cun staffetta svizra. A Serafin Wiestner na vegn il campiunadi mundial da biatlon ad Antholz betg a restar en buna memoria.

Il Sursilvan ha oravant tut disdì en il stan da tir cun sajettar sin pes. Qua n’han ina gronda part dals sajets betg tuc la noda. El n’haja betg in’idea daco ch’i na funcziuneschia betg sin pes, ha il Serafin Wiestner manegià suenter la cursa da staffetta. Mo ussa vegnia quai tut analisà ed en bun in’emna giaja puspè vinavant cun las proximas cursas da la cuppa mundiala a Nove Mesto en Tschechia.

Betg tut è stà schlet

Il positiv, sin loipa ha Serafin Wiestner mussà bunas prestaziuns en il Tirol dal Sid. Sin il skis da passlung para el d’avair chattà la meglra furma en questa stagiun. Ed er il sajettar en venter ha funcziunà detg bain. Ma quai na tanscha per cumbatter cun ils megliers dals megliers. Per gliez sto tut constar, da quai è er il biatlet da Trin conscients.

RTR Sportissimo 17:00