En l'avegnir vegnan 32 enstagl da 24 equipas a sa participar al campiunadi mundial da ballape da las dunnas. Ins stoppia profitar dal schlantsch suenter il grond success dal campiunadi mundial da quest onn en Frantscha, ha motivà la decisiun il president da la FIFA, Gianni Infantino.
L'augment d'equipas na munta betg mo otg participants supplementars mabain che plirs tozzels federaziuns da ballape lantschan novs programs da ballape per dunnas.
Il proxim campiunadi mundial da las dunnas è il 2023. L'organisatur vegn fixà l'auter onn.
RR novitads 06:00