Ils Finlandais èn in pensum schliabel, sche nus avain in bun di.
Quai ha ditg il trenader dals giuvens avant la partida. E propi: ils Svizzers han ditg pudì tegnair avert il resultat, ma ils Finlandais èn stads cleramain pli ferms ch'els.
La relaziun da sajets en il segund terz mussa cler en favur da la Finlanda, cun 16:6 (total 43:14). E quai malgrà ch'ils Svizzers han pudì giugar 6 minutas cun in giugader dapli. Ils Finlandais han percunter nizzegià la suletta schanza cun in um dapli per sajettar il 2:1.
Uschia ston ils Svizzers vinavant spetgar sin ils emprims puncts en quest turnier. Avant in onn avevan els anc battì la Slovachia (7:2) e la Finlanda (5:2). Pli simpel na vegni betg en la proxima partida, la notg sin mesemna. Là è il defensur dal titel, Canada l'adversari. Ils Canadais han battì la Germania gist en l'emprim gieu cun 16:2.
