La Bernaisa è vegnida segunda en il mezfinal cun 22.49 secundas e sa qualifitgada directamain per il final. La curridra da 27 onns ha gì il medem temps sco l'Americana Anglerne Annelus.
Kambundji ha era scrit istorgia naziunala d'atletica leva. Anc mai ha insatgi ord la Svizra, ni dunna ni um, cuntanschì in final da campiunadis mundials sur 100 u 200 meters. Ella saja mega legraivla, ha ditg Kambundji envers la televisiun svizra.
L'atleta ha er mussà fermezza mentala. La dumengia ha Kambundji manchentà be per 0,005 secundas il final sur 100 meters.
