CM mountainbike - La Svizra gudogna aur en il team relay

• Nino Schurter, Jolanda Neff, Joel Roth, Sina Frei e Janis Baumann gudognan aur al campiunadi mundial da Cross Country a Mont-Sainte-Anne.
• Ditg era la Svizra enavos, la fin finala èsi lura gartegià a Nino Schurter sco davos da vegnir da plaz trais sin plaz in.

En il Canada, a Mont-Sainte-Anne, han Nino Schurter, Jolanda Neff, Sina Frei, Joel Roth ed il segund Grischun, Janis Baumann (Igis), gudagnà la concurrenza da team 16 secundas avant ils Stadis Unids e 28 secundas avant la Frantscha. Per la Svizra è quai il 6avel titel da team, il terz en roda.

01:43

video

Nino Schurter: «Cool d'ina giada star al start cun il team»

Or da Sport-Clip dals 28.08.2019.

laschar ir. Durada: 1 minuta 43 Secundas.

Ina rolla da clav ha Nino Schurter gì sco ultim biker. El ha cumenzà sia part dal traject sco terz ed ha dumagnà da far il meglier temp dal di. Avant Schurter han las duas dunnas, Sina Frei e Jolanda Neff purtà il team en ina buna posiziun. Joel Roth e Janis Baumann dentant han fatg buna lavur e betg sa laschar pender giu memia lunsch dals ferms. Neff è stada cun il medem temp sco l'Americana Kate Cortney, la pli svelta dunna.

audio

Nino Schurter sa senta bain er per las proximas cursas

00:23 min, ord Actualitad dals 29.08.2019.

laschar ir. Durada: 23 Secundas.

Ord l'archiv:

Quà l'intervista cun Nino Schurter suenter la victoria il 2018 a Lai:

audio

Intervista cun Nino Schurter suenter la victoria en il Team Relay

01:19 min, ord Actualitad dals 06.09.2018. Maletg: Keystone

laschar ir. Durada: 1 minuta 19 Secundas.

RR novitads 20:00