Siglir tar il cuntegn

Header

Franco Collenberg dals Flyers cunter dus giugaders dal HCD, il schaner 2016.
Legenda: Franco Collenberg dals Flyers cunter dus giugaders dal HCD, il schaner 2016. Keystone
cuntegn

Naziunal/Internaziunal Collenberg serrà per duas partidas

Franco Collenberg dals Kloten Flyers vegn serrà per duas partidas e sto pajar in chasti da 1'650 francs. Quai ha decidì il derschader singul da Swiss Ice Hockey.

En l'emprima partida da playoff cunter il club da hockey da Tavau ha Collenberg fatg in check cunter il schanugl da Alexandre Picard. Il HCD aveva la finala gudagnà questa partida cun 4:1.
En il segund gieu la sonda passada ha Collenberg gia sesì giu ina da las duas suspensiuns. Uschia po il giugader grischun puspè dar cun ils Kloten Flyers en la quarta partida dal playoff la gievgia che vegn.

Nagin chasti per Sprunger

L'attatgader da Friburg Gottéron Julien Sprunger na survegn nagin chasti en connex cun ses dir check cunter Daniel Rubin da Genevra. Il check na saja betg stà drizzà cunter il chau, ed uschia er nagin foul. Quai ha confermà il schef dals arbiters Beat Kaufmann.

RR Novitads 17:00

sda/ba