Siglir tar il cuntegn
cuntegn

Naziunal/Internaziunal Cologna defenda plaz en ils top 10

Didrik Tønseth e Sjur Røthe han er dominà la cursa da persecuziun sur 15 km. Dario Cologna ha sco novavel defendì in plaz tranter ils top 10.

Sjur Røthe e Dario Cologna.
Legenda: Sjur Røthe e Dario Cologna. Keystone

Sco gia la sonda han ils dus Norvegias Sjur Røthe e Didrik Tønseth decidì la cursa tranter els. La cursa da persecuziun sur 15 km en il stil classic ha gudagnà Røthe cun in temp da 44:13,8 minutas. L'avantatg avant ses collega da team Tønseth munta ad 1,6 secundas. Terz è vegnì in ulteriur Norvegiais, Emil Iversen cun in retard da 1:03,3 minutas.

Dario Cologna ha sco novavel pudì defender in plaz en ils top 10. Il minitur da Lillehammer terminescha el uschia sin plaz 10. Roman Furger ha terminà la cursa da la dumengia sin plaz 35, Jonas Baumann sin plaz 40 e Toni Livers sin plaz 42.

RR novitads 14:00