Siglir tar il cuntegn

Header

Dario Cologna.
Legenda: Dario Cologna ha pudì mussar ina reacziun en la cursa da persecuziun a Lai. Keystone
cuntegn

Naziunal/Internaziunal Cologna fa bun plazs - Sundby dominescha vinavant

Tar la persecuziun en il stil liber, la terza etappa dal Tour de Ski a Lai, è Dario Cologna stà pli spert ch'il dominatur, il Norvegiais Martin Johnsrud Sundby.

Johnsrud Sundby defenda dentant senza problems sia posiziun a la testa dal classament dal Tour de Ski. Tar la cursa en il stil da skating ha Johnsrud Sundby augmentà ses avantatg sin il segund, il Norvegiais Petter Northug, per 7 secundas sin 1’30’’.

Dario Cologna sa meglierescha cun sia buna cursa sin plazza 8 dal classament, 47 secundas davos in plaz da podest. Il retard sin il leader Johnsrud Sundby munta a 2’47’’.Ils ulteriurs Svizzers en il classament dal Tour de Ski: Jonas Baumann è da nov 26avel cun in retard da 4'52'', Curdin Perl 34avel e 6'09'' enavos, e Toni Livers è sin plazza 36 cun in retard da 6'17''.

Il Tour de Ski cuntinuescha il mardi en la Germania, ad Oberstdorf datti in sprint en il stil classic.

Artitgels legids il pli savens

Scrollar a sanestra Scrollar a dretga