Suenter las victorias dals onns 2009, 2011 e 2012 gudogna Dario Cologna per la quarta giada il Tour de ski. En l'etappa finala siadora sin l'Alpe Cermis ha Cologna conservà senza problems la testa ed ha gudagnà avant il Norvegias Martin Johnsrud Sundby (+ 1:26 minutas), terz è il Canadais Alex Harvey (+ 1:30).
Il victur da l'onn passà, il Russ Sergej Ustjugow, ha renunzià a l'ultima etappa pervia da problems cun il dies. Sper il victur Dario Cologna han dus ulteriurs Rumantschs terminà il Tour de ski. Toni Livers è vegnì 22avel, Jonas Baumann 29avel.
RR novitads 15:00