Siglir tar il cuntegn

Header

cuntegn

Naziunal/Internaziunal Cologna manchenta il podest

Il Grischun daventa quart suenter ils dus Norvegiais Sjur Røthe e Didrik Tønseth e il Russ Denis Spitsow.

Ils emprims quatter:

  1. Sjur Røthe (Norvegia) 36:34.0
  2. Didrik Tønseth (Norvegia) +0:06.0
  3. Denis Spitsow (Russia) +0:28.6
  4. Dario Cologna (Svizra) +0:38.3

Ils Norvegiais han pudì festivar ina victoria dubla en il lieu da l'olimpiada dal 1994: Sjur Røthe ha gudagnà avant ses collega da team Didrik Tønseth ed il Russ Denis Spizow.

En sia disciplina da parada ha Dario Cologna manchentà per diesch secundas in plaz sin il podest. En la cursa da 15 kilometers en stil liber a Lillehammer ha el cuntanschì il quart plaz. Il passlunghist da la Val Müstair è stà da bell'entschatta en ils emprims rangs. Suenter 5 km era el anc sin il segund plaz e suenter 10 km sin plaz 3. Cologna ha pudì mussar ch'el è en furma, er sch'el è vegnì en il sprint il venderdi mo sin plaz 73.

Ina buna prestaziun ha er Roman Furger dal chantun Uri mussà. Sco 16avel ha el anc pudì ramassar puncts per la cuppa mundiala. Toni Livers e Jonas Baumann han dentant manchentà cleramain ils puncts.

RR novitads 14:00

Artitgels legids il pli savens