Siglir tar il cuntegn
Inhalt

Naziunal/Internaziunal Cologna senza aur al campiunadi svizzer

Nagin titel per Dario Cologna als campiunadis svizzers da passlung a Tschierv en Val Müstair.

Dario Cologna (maletg d'archiv).
Legenda: Dario Cologna (maletg d'archiv) en Val Müstair. Keystone

Nagin titel da campiun svizzer da passlung per Dario Cologna en sia patria, la Val Müstair. Als 50 kilometers da sonda a Tschierv è il traidubel campiun olimpic vegnì tschintgavel. Dumengia en il sprint d'equipa hai almain dà ina medaglia per Cologna, dentant betg quella d'aur. Ensemen cun ses frar Gianluca Cologna è el vegnì terz en il sprint d'equipa en il stil liber.

Gudagnà aur han ils guardiacunfins cun Ueli Schnider ed Erwan Kaeser avant Tavau cun Jason Rüesch e Toni Livers.

Bilantscha

En Val Müstair han gì lieu questa fin d'emna ils campiunadis svizzers da passlung. Pia bler lavur per tut ils voluntaris ed il comité d'organisaziun enturn il president Cla Filip Pitsch. Bilantscha da quests trais eventiments sportivs en la Val Müstair.
RR Sportissimo 17:00