Siglir tar il cuntegn
cuntegn

Naziunal/Internaziunal Constantin fa danovamain recurs

Christian Constantin fa recurs cunter ses chasti avant il Tribunal internaziunal dal sport (CAS) a Losanna. Cura ch'il tribunal tracta il recurs dal president dal FC Sion n'è anc betg cler.

Christian Constantin.
Legenda: Cun la reducziun da 14 sin 9 mais n'è il president dal FC Sion anc betg cuntent. Keystone

Suenter che Christian Constantin aveva attatgà l'expert da televisiun Rolf Fringer, ha la Federaziun da ballape svizra serrà el per 14 mais. Constantin ha fatg recurs – cun success. Uschia ha la Federaziun da ballape svizra reducì la serrada sin 9 mais.

Er questa decisiun n'è l'um da 61 onns dentant betg pront d'acceptar: El fa perquai recurs al Tribunal internaziunal dal sport (CAS) a Losanna. Ses argument per far danovamain recurs è, che la serrada na saja betg vegnida reducida en la medema relaziun sco il chasti finanzial. Lez haja la Federaziun da ballape svizra numnadamain reducì da 100'000 francs sin 30'000 francs.

RR novitads 14:00

Christian Constantin

Il president dal FC Sion ha 60 onns e maina in biro d'architectura cun 40 emploiads.