Constantin fa recurs

Sco spetgà, vegn Christian Constantin a far recurs cunter las sancziuns da la Federaziun svizra da ballape.

Christian Constantin, il president dal FC Sion. Bild in Lightbox öffnen.

Legenda da maletgs: Christian Constantin, il president dal FC Sion. Keystone

Il president dal FC Sion, Christian Constantin, n'accepta sco spetgà betg las sancziuns da la Federaziun svizra da ballape. El vegnia a far recurs tar la giustia civila, ha Constantin ditg envers la televisiun romanda RTS. Il recurs vegnia inoltrà il glindesdi u mardi. Sur dal cuntegn dal recurs è el s'exprimì pauc precis: La gasetta Blick haja influenzà la cumissiun disciplinara cun ses rapport e betg cità correct persunas intervistadas.

A s'exculpar per sia attatga sin l'expert da ballape Rolf Fringer na vegnia el betg – era sche quai na saja betg stà en urden. L'attatga dals 21 da settember aveva purtà a Constantin in chasti da 100'000 francs ed in scumond d'ir en stadions da ballape ils proxims 14 mais.

RR novitads 06:00