Constantin na stat betg mal per ses sa depurtar

Il president dal FC Sion, Christian Constantin sa retira dal comité da candidatura per ils gieus olimpics Sion 2026.

Purtret da Christian Constantin. Bild in Lightbox öffnen.

Legenda da maletgs: Christian Constantin sa retira dal comité per gieus olimpics a Sion 2026. Keystone

Christian Constantin na stat betg mal ch'el ha dà intginas schlaffadas a Rolf Fringer, l'anteriur trenader naziunal da la Svizra. Il problem cun Fringer n'existi betg dapi ier, sia reacziun saja stada ch'i basti uss. I disturbia el che Fringer possia adina attatger el, uschia ha ditg Constantin ad ina conferenza da medias a Martigny. Il president dal FC Sion ha ditg ch'el quintia che Fringer denunzia el. El sez veglia er inoltrar in plant per disfamaziun pervi da las decleraziuns da Fringer en la televisiun. La Federaziun da ballape svizra ha er annunzià in'investigaziun en chaussa.

Constantin sa retira da comité per gieus olimpics, Sion 2026

Il patron dal FC Sion haja supplitgà da deliberar el da ses ufficis, uschia ha communitgà il comité d'organisaziun. La retirada da Christian Constantin stat en connex cun l'attatga corporala cunter Rolf Fringer, l’anteriur trenader da la squadra naziunala svizra. Entant ha Constantin purtà plant cunter Fringer pervi da disfamaziun.

RR novitads 14:00++