Siglir tar il cuntegn

Header

Pista da skis.
Legenda: La stagiun 2019/20 va a fin anticipadamain pervi dal coronavirus (maletg simbolic). Keystone
cuntegn

Corona vs. ski alpin Final da la cuppa mundiala ditg giu

Il final da la cuppa mundiala a Cortina d’Ampezzo vegn ditg giu. Quai ha annunzià la federaziun da skis taliana.

La FIS, la Federaziun internaziunala da skis, ha silsuenter confermà la decisiun. La regiun Venezia, en la quala sa chatta Cortina d'Ampezzo, è ina da la regiuns las pli pertutgadas dal coronavirus.

Feuz per la terza giada

Pervi da questa decisiun èsi er gia cler che la Svizra gudogna duas ulteriuras cullas pitschnas: Beat Feuz gudogna la culla pitschna en la disciplina cursa rapida. Quai per la terza giada en seria.

Duas cullas per Suter

Tar las dunnas gudogna Corinne Suter suenter quella en la cursa rapida er la culla pitschna dal super-G. L’ultima giada ch’ina skiunza svizra ha gudagnà omaduas cullas en las disciplinas spertas è stada Michela Figini il 1988.

RTR novitads 20:00