- Lara Gut-Behrami gudogna surprendentamain la cursa rapida a Crans-Montana.
- Segunda vegn sia collega d'equipa Corinne Suter, avant l'Austriaca Stephanie Venier.
Victoria dubla per la Svizra a Crans-Montana. Lara Gut-Behrami gudogna la cursa rapida en il Vallais cun in avantatg da 0,8 secundas sin Corinne Suter. Per Gut-Behrami èsi la 25avla victoria da sia carriera, l'otgavla en ina cursa rapida. L'ultima giada che la Tessinaisa aveva gudagnà ina cursa è stà il schaner 2018 a Cortina d'Ampezzo. Ina buna prestaziun ha er mussà Joana Hählen sco 7avla.
Suenter sia 5avla plazza da podest quest enviern ha Corinne Suter augmentà ses avantatg a la testa dal classament da disciplina. Avant las duas ultimas cursas rapidas maina Suter il classament da la cuppa mundiala cun 120 puncts. En il cumbat per la culla pitschna da cristal ha ella uschia la schanza da far tut cler gia en la segunda cursa rapida a Crans-Montana. Quella alura ha lieu questa sonda.
Resultat
- 1. Lara Gut-Behrami 1:27.11
- 2. Corinne Suter + 0.80
- 3. Stephanie Venier (AUT) + 0.92
Las ulteriuras Svizras
- 7. Joana Hählen + 1.35
- 17. Wendy Holdener + 1.98
- 19. Priska Nufer + 2.13
- 27. Juliana Suter + 3.51
- OUT Michelle Gisin
- OUT Jasmin Flury
RTR novitads 12:00