Siglir tar il cuntegn

Header

video
Fasa finala da la cursa da cross country da la dunnas d'elita.
Or da Sport-Clip dals 10.10.2020.
laschar ir
cuntegn

Cross country dunnas elita Sina Frei manchenta medaglia piz a cup

L’anteriura campiunessa mundiala da las dunnas sut 23 onns, Sina Frei, è vegnida quarta en sia emprima cursa tar l’elita ad in campiunadi mundial. La giuvna da 23 onns ha manchentà a Leogang en l’Austria ina medaglia per 45 secundas.

Cun Jolanda Neff ha er la campiunessa mundiala dal 2017 persvadì. Neff ha suenter ses grev accident la fin da l’onn passà cuntanschì il 6avel plaz cun in retard da 4:46 minutas. In plaz sut las top 10 hai er dà per Alessandra Keller. Ella è vegnida cun in retard da 6:25 minutas 10avla. Linda Indergand e Nicole Koller han terminà la cursa sin ils plazs 15 e 16.

Ferrand-Prévot ina classa per sa sezza

Triumfà en la cursa d’elita da las dunnas ha la Franzosa Pauline Ferrand-Prévot. La defensura dal titel è stada en in liga per sa sezza. Ella ha mussà ina cursa excellenta e distanzià l’entira concurrenza per trais minutas e dapli. Per Ferrand-Prévot, la partenaria da la legenda franzosa Julien Absalon ch'è daventà duas giadas campiun olimpic, è quai gia il terz titel da campiunessa mundiala en la disciplina cross country. Ses emprim titel aveva ella gudagnà il 2015.

Pauline Ferrand-Prévat
Legenda: Pauline Ferrand-Prévot ha defendì il titel en ina maniera impressiunanta. Keystone

Cumplettà il podest ha sco segunda la Taliana Eva Lechner (+ 3:01) e sco terza l’Australiana Rebecca McConnell (+ 3:01). Lechner ha gudagnà il sprint final per plaz dus e trais per paucs centimeters.

Grevas cundiziuns

La cursa dal campiunadi mundial a Leogang ha pretendì tut, tant da las atletas sco er dal material. Pliras atletas han uschia stuì ceder, tranter auter la campiunessa mundiala dal 2018, L'Americana Kate Courtney sco er l'Ollandaisa Anne Terpstra e la Svedaisa Jenny Rissveds, la campiunessa olimpica da Rio 2016.

Actualitad 17:00

Artitgels legids il pli savens

Scrollar a sanestra Scrollar a dretga