Siglir tar il cuntegn

Header

audio
Nino Schurter è da buna speranza, malgrà las grevas cundiziuns.
Or da Actualitad dals 10.10.2020.
laschar ir. Durada: 03:55 minutas.
cuntegn

Cross country elita Schurter emprova da defender il titel en la buglia da Leogang

Las cundiziuns en l’Austria vegnan pli probabel a giugar ina rolla centrala en las duas cursas da cross country da las dunnas e dals umens d’elita. Per Nino Schurter che parta sco defensur dal titel n’èsi betg las relaziuns ideals, betg quai ch’el giavischa.

Plinavant ha Nino Schurter survegnì nova concurrenza. Ils giuvens atlets han savurà la pulvra co batter il campiun olimpic e campiun mundial da seria. Quai hai il mountainbiker oriund da Tersnaus sentì avant in’emna a las sulettas cursas da la cuppa mundiala en questa stagiun a Nove Mesto en Tschechia.

Igl ha er gia vis ora meglier per mai.
Autur: Nino Schurtercampiun mundial 2009/2012/2013/2015-2019

Quittads na fa Nino Schurter dentant betg. I saja bun ch’el haja survegnì nova concurrenza e ch’i sajan uss fatschas novas a la testa. Quai motiveschi er el e mantegnia el giuvens, di Nino Schurter cun in surrir. E pertutgant las cundiziuns saja tut pussibel en questa cursa a Leogang. Il recept da success saja da mitschar atras senza pli gronds sbagls, mo el dubitia ch’insatgi vegnia tras questa buglia senza defects u senza cupitgar in u l’autra giada. I saja simplamain da star «cools» di Nino Schurter ch’ha la schanza da gudagnar ses 9avel titel da campiun mundial, il 6avel en seria.

Bunas regurdientschas

Quai che tschantscha per Nino Schurter è l’experientscha, la rutina. Plinavant ha il mountainbiker da 34 onns bunas regurdientschas da Leogang. Il 2012, curt suenter ils gieus olimpics a Londra nua ch’el ha gudagnà argient, è Schurter daventà en questa regiun per la segunda giada campiun mundial, quai avant ils dus frars Lukas e Mathias Flückiger.

mountainbike
Legenda: Il mountainbike da Jolanda Neff suenter il trenament tras la buglia da Leogang. Andreas Wieland

RTR Actualitad 08:00

Artitgels legids il pli savens

Scrollar a sanestra Scrollar a dretga