Jolanda Neff ha schon baud stuì sepulir sias ambiziuns sin in plaz da podest. Memia ferma è la concurrenza stada oz a Lai. Jenny Rissveds da la Svezia gudogna. La campiunessa olimpica batta l'Ollandaisa Anne Terpstra. Il podest vegn cumplettà cun Pauline Ferrand-Prévot da la Frantscha.
Sina Frei meglra Svizra
Cunquai che Jolanda Neff, la mountainbikra da la Svizra orientala, è ditg stada sin il quart plaz, ha gì in defect vi dal pneu en l'ultima runda daventa Sina Frei meglra Svizra. Frei vegn quarta en la cursa da Cross Country a Lai. La decisiun per il classament general tar l'elita da las dunnas è uschia vegnida spustada. Cunquai che Neff vegn mo 8avla e sia concurrenta Kate Courtney 7avla ha lezza anc la schanza da vargar la Svizra en il classament general en l'ultima cursa il settember.
RR Sportissimo 12:00