Naziunal/Internaziunal - Cuira Capricorns èn il final
Il club da hockey da Cuira è en il final da l’emprima liga. L'EHC Cuira Capricorns ha era gudognà la terza partida da la seria da mezfinal encunter Dübendorf ed avanza uschia senza ina solita sconfitta en il final.
Cuira ha gudagnà la dumengia saira cun 5 :2 il gieu encunter Dübendorf. Ina decisiun preliminara era crudada gia en l’emprim terz. Suenter 20 minutas manava Cuira gia cun 3 :0.
En il final da l’emprima liga s’inscuntra l’equipa Grischuna cul victur da l’autra seria da mezfinal tranter Winterthur e Bellinzona. Per il mument è Winterthur cun 2:1 en avantatg en la seria da best of five.
