Siglir tar il cuntegn

Header

cuntegn

Cumbat cunter doping Russia vegn exclusa per 4 onns

Las bandiera da la Russia e la bandiera olimpica
Legenda: La decisiun da la WADA tutga er ils gieus olimpics. Il Comité olimpic internaziunal aveva gia annunzià ordavant ch'ins vegnia a sustegnair las sancziuns. imago images

Per la Russia hai num 4 onns ni gieus olimpics ni campiunadis mundials.
L'agentura anti-doping WADA ha decis d'excluder la Russia tar sia sesida a Losanna, sco in pledader ha infurmà las medias. Uschia dastgan sportists russ mo sa participar a grondas occurrenzas internaziunalas sco atlets neutrals senza la bandiera russa. Quai dentant be sch'els pon cumprovar, ch'els sa participeschan ad in program da test independent.

La WADA renfatscha a la Russia d'avair manipulà datas or da ses labor anti-doping avant surdar ellas a l'agentura. La decisiun da la WADA correspunda a la sentenzia dad in gremi d'experts ch'aveva sa fatschentà durant plirs onns cun il tema. La Russia po trair enavant la decisiun al Tribunal internaziunal dal sport.

Video
La chronologia dal scandal da doping en il sport russ
Or da Sport-Clip dals 09.12.2019.
laschar ir

RTR novitads 12:00