Siglir tar il cuntegn

Header

Federica Brignone.
Legenda: Federica Brignone da l'Italia realisescha oz sia 15avla victoria en la cuppa mundiala. Keystone
cuntegn

Cumbinaziun a Crans-Montana Brignone gudogna – Gisin e Holdener manchentan podest

Federica Brignone gudogna la cumbinaziun a Crans Montana. Michelle Gisin manchenta il podest per 11 tschientavels. Wendy Holdner vegn 5avla.

Il podest

  • 1. Federica Brignone (Italia) 1:56.24
  • 2. Franziska Gritsch (Austria)+ 0.92
  • 3. Ester Ledecka (Tschechia) + 1.82

La victoria va a la Taliana Federica Brignone. Ella manava gia suenter il super-G. Per Brignogne èsi gia la quarta giada ch'ella triumfescha en ina cumbinaziun a Crans-Montana e surpiglia uschia era la testa en il classament general da la cuppa mundiala. Ella profitescha che Petra Vlhova da la Slovakia è crudada ora en il slalom. Il podest da la cumbinaziun vegn cumplettà cun Fransika Gritsch da l'Austria ed Ester Ledecka da la Tschechia.

Gisin quarta, Holdener tschintgaval

La festa da skis da las skiunzas svizras a lur cursas da chasas a Crans-Montana è vegnida frenada en la cumbinaziun. Suenter 4 plazzas da podest en las duas cursas rapidas èn las Svizras sa tschentadas sper il podest en la cumbinaziun alpina. Michelle Gisin vegn quarta e manchenta il podest per 11 tschientavels.

video
Cursa da Gisin
Or da Sport-Clip dals 23.02.2020.
laschar ir

A Wendy Holdener, ch'era 10avla suenter il super-G, na grategia il slalom betg sco giavischà ed ella vegn 5avla.

video
Cursa da Holdener
Or da Sport-Clip dals 23.02.2020.
laschar ir

RTR novitads 14:00

Artitgels legids il pli savens

Scrollar a sanestra Scrollar a dretga