Legenda:
Per Matthias Mayer èsi l'emprim plaz sin il podest en questa disciplina ed il 31avel insumma.
Keystone
Meillard vegn quart
Loïc Meillard ha manchentà il podest per 35 tschientavels e vegn quart. Il temp decisiv ha el cartaivel pers sin ils ultims meters dal slalom. Suenter la cursa rapida era Meillard sin il 19avel plaz intermediar – gist avant Pinturault.
Il Grischun Sandro Simonet n'ha betg pudì nizzegiar sia buna posiziun suenter la cursa rapida. Là era el sin il 14avel plaz intermediar. En il slalom ha el l'emprim fatg bun temp ed è vegnì pli datiers als megliers skiunzs dal mund. Ma lura ha el fatg in grev sbagl.
Ils Svizzers
- 4. Loïc Meillard +1,02
- 9. Niels Hintermann +1,68
- 11. Justin Murisier +1,92
- 13. Luca Aerni + 2,58
- 15. Gilles Roulin +2,80
- 18. Ralph Weber +3,31
- 20. Stefan Rogentin +3,35
- 33. Sandro Simonet +7,52
Crudà ora gia en la cursa rapida è il grond trumf svizzer, Mauro Caviezel, quai suenter ch'el ha gia mussà in sigl spectacular sur il Hundschopf. Il Grischun ha stritgà là la rait ed uschia procurà per battacor tar bain inqualin.
RTR novitads 12:00+