Il podest
- 1. Alexis Pinturault (FRA) 2:04,90
- 2. Mauro Caviezel (SUI) +0,99
- 3. Aleksander Aamodt Kilde (NOR) +1,25
A Mauro Caviezel n'èsi displaschaivlamain betg gartegià da mantegnair ses avantatg ch'el ha gì suenter l'emprim percurs. Ina giada dapli ha il Franzos Alexis Pinturault confermà sia rolla da favurit en la cumbinaziun alpina. Pinturault ch'èra en il percurs da super-G anc sin plaz dus suenter Caviezel, ha pudì duvrar la forza da sias musclas en il slalom e gudagnà la finala cun bunamain ina secunda avantatg sin Caviezel. Per il Grischun è quest segund plaz ses 10avel plaz da podest tar ina cursa da la cuppa mundiala.
Ils ulteriurs Svizzers
- 9. Loïc Meillard +2,83
- 14. Luca Aerni +3,55
Loïc Meillard ch'aveva avant la cursa anc ina schanza teoretica da gudagnar la classificaziun da disziplina, ha stuì sa cuntentar cun il 9avel plaz. Igl è stà l'emprima cursa per il Vallesan suenter sia blessura da sa tagliar. Luca Aerni ha mussà ina buna prestaziun en il super-G ed è vegnì 16avel.
Ina trumpada ha dentant dà per Sandro Simonet, el è crudà ora durant la cursa da slalom.
Cumbinaziun da las dunnas annullada
Pervi da navaglias sto la cumbinaziun alpina da las dunnas a La Thuile vegnir ditg giu. Quai ha communitgà la FIS. L’occurrenza na vegnia betg prendida suenter.
RTR novitads 11:00