Siglir tar il cuntegn

Naziunal/Internaziunal Cumenzament da la stagiun senza Janka

Il team dals skiunzs svizzers sto cumenzar la stagiun da cursas senza Carlo Janka. Il Grischun desista da la cursa da Sölden pervi da problems cun il dies.

Carlo Janka
Legenda: Carlo Janka n'è betg da la partida a Sölden. Keystone

Sco gia temì, na po Carlo Janka betg prender part a l'avertura da la stagiun a Sölden. Il Grischun renunzia al slalom gigant. Ses problems cun il dies na sajan betg pli acuts, el na veglia dentant betg ristgar quest svilup positiv, ha fatg da savair Janka. El veglia ussa sa preparar sin las cursas da speed da la fin november a Lake Louise e l'entschatta december a Beaver Creek.

RR novitads 15:00