Siglir tar il cuntegn

Header

Lara Gut durant il slalom gigant a Jasna.
Legenda: A Jasna ha Lara Gut recaltgà impurtants puncts per il classament general. Keystone
cuntegn

Naziunal/Internaziunal Cun daventar quarta surpiglia Lara Gut la testa

Suenter che Lara Gut è vegnida quarta en il slalom gigant da Jasna en la Slovachia, maina ella da nov il classament general da la cuppa mundiala da skis,

La plazza 4 en la cursa a Jasna porta a Lara Gut 50 puncts. Ella maina uschia il classament general cun 22 puncts avantatg sin Lindsey Vonn. L’Americana ha stuì terminar la stagiun pervi d'ina blessura. La terza en il classament general è la Tudestga Viktoria Rebensburg, ch'è dentant gia 263 puncts enavos.

Gudagnà la cursa a Jasna ha l'Austriaca Eva-Maria Brem, avant Viktoria Rebensburg e la Taliana Federica Brignone. Da las Svizras è Simone Wild vegnida 20avla, e Wendy Holdener è crudada ora en il segund percurs.

RR Novitads 14:00