Cun optimissem vers Belfast

Il countdown è lantschà – il focus cumplettamain sin il duel da barrascha encunter l’Irlanda dal Nord. La naziunala Svizra è suenter in davos trenament a Basilea sgulada vers Belfast, là nua che l’equipa da Vladimir Petkovic frunta gievgia saira sin l’Irlanda dal Nord.

L'equipa naziunala svizra duront in trenament. Bild in Lightbox öffnen.

Legenda da maletgs: L'equipa naziunala sa legra sin la barrage. Keystone

Malgrà che la Svizra ha franc ils megliers giugaders individuals e malgrà che la naziunala Svizra è classada meglier en la rangaziun mundiala da la FIFA, cumenza uss tut tar nulla. Il trenader naziunal schazegia er las schanzas tar 50:50. I dovra 180 minutas plain cumbat, i dovra il meglier ballape pussibel e franc er in zic cletg per gudagnar quest duel ed uschia dastgar esser da la partida als proxims campiunadis mundials la stad 2018.

Mesemna, il di avant l’emprim duel cun l’Irlanda dal Nord, trenescha la Svizra anc ina giada en il Windsor Park a Belfast, quai er per vegnir l’emprima giada en contact cun il pastget da quest stadion ch’ha plaz per radund 20’000 fans.

RR actualitad 11:30